In vitro лабораториясында картошканын жаңы түшүмү алынат
К.И. Скрябин атындагы Кыргыз улуттук агрардык университетин in vitro лабораториясында картошканын суперэлита жана элита сорттору, ошондой эле кожогат, кызыл гожо мөмөсү жана гибриддик терек өстүрүлүп жатканын Суу ресурстары, айыл чарба жана кайра иштетүү өнөр жайы министрлиги билдирди.
Министрликтин маалымдашынча, лабораториянын негизги артыкчылыгы — ал жерден вируссуз, ооруларга туруктуу, климаттык шарттарга ыңгайлашкан жана жогорку түшүм берүүчү өсүмдүк көчөттөрүн жана үрөндөрүн алууга болот.
Бул ыкма айыл чарба өсүмдүктөрүнүн сапатын жакшыртып, таза үрөн фондун түзүүгө жана агрардык тармакта инновациялык технологияларды өнүктүрүүгө өбөлгө түзөт. Булin vitro ыкмасы аркылуу алынган көчөттөр жана үрөндөр келечекте фермерлер үчүн ишенимдүү жана экономикалык жактан пайдалуу булак болуп берет деген бекем ишеним бар.
