SpaceX компаниясыныкына атаандаш спутник чыгара турган корпорация түзүлөт
Дүйнөгө белгилүү европалык Airbus авиакомпаниясы, италиялык аэрокосмостук Leonardo концерни жана франциялык Thales коргоо компаниясы Илон Масктын SpaceX компаниясына атаандаштык жаратыш үчүн өздөрүнүн космостук бөлүмдөрүн бириктирүү боюнча сүйлөшүп жатканын Financial Times басылмасы жазды.
Басылманын маалыматы боюнча, аталган 3 корпорация 35%ы Airbus компаниясынын, Leonardo жана Thalesкорпорацияларынын 32,5%дан үлүшү бар бирдиктүү структураны түзүү планын жактырышкан. Бириккен фирма Европа боюнча 25 миң адам иштеген 30га жакын аянтты ээлейт.
Эске салсак, SpaceX компаниясы Starlink спутникалык түйүнүн ишке киргизген соң Thales менен Airbus Geoкомпанияларынын спутниктерине болгон суроо-талап кескин кыскарган.
Европалык концерндер мындай бириктирүү рыноктогу өзгөрүүлөргө реакция кыла турган натыйжалуу, ийкемдүү космостук компания түзүүгө шарт түзөрүнө бекем ишенишет. Адистер белгилегендей, акыркы жылдарда бул 3 компания тең космостук долбоорлорунан кыйынчылыктарды тартышкан. Бул көйгөйлөр биригүүнүн катализатору болгон.
