Креативдүү индустриялар паркынын резиденттери салыкты кандай төлөшөт?
Креативдүү индустриялар паркындагы резиденттердин быйылкы кирешеси 516 млн сомго жеткенин Креативдүү индустриялар паркынын директору Канышай Мамытова билдирди.
Анын айтымында, Креативдүү индустриялар паркынын резиденттер киреше салыгы, КНС жана сатуудан алынуучу салыктын ордуна резиденттер квартал сайын киреше салыгын төлөшөт. 2023–2024-жылдары бул салык 0,5 пайызды, 2025-2026-жылдары 1 пайызды түзсө, 2027-жылы 2 пайыз болору маалымдалды.
“Мындан тышкары, бизде киреше салыгы жана социалдык төлөмдөр боюнча жеңилдиктер бар. Биздин Креативдүү индустриялар паркындагы салык режиминде жеңилдиктер бар. Башкача айтканда, киреше салыгы 10 пайыздын ордуна 5 пайызды түзөт. Ал эми социалдык чегерүүлөр туруктуу эмес жана эмгек акыга да көз каранды эмес. Ал эми иш берүүчү өзү да социалдык чегерүүлөрдөн бошотулган”, - деди Мамытова.
2024-жылдын үчүнчү кварталында Креативдүү индустриялар паркынын резиденттеринин жалпы кирешеси 44 млн сомду түзгөн. Резиденттер төлөгөн бирдиктүү салык 262 миң сом болуп, 93 жумуш орундары түзүлгөн.
2025-жыл ичинде резиденттердин жалпы кирешеси 516 млн сом болуп, төлөнгөн салык 5 млн 165 миң сомду түзгөн. Мында 591 жаңы жумуш орундары пайда болгон.
