Дубайда 2026-жылы аба таксилери кызмат көрсөтүп баштайт
Дубайда 2026-жылы биринчи коммерциялык аба такси кызматын ишке киргизүү пландалып жатканын жана ал үчүн атайын вертипорттор (учуп-конуучу жайлар) курулуп жатканын “Кабар” маалымат агенттиги Казинформ маалыматына шилетеме кылуу менен жазды.
Маалыматта америкалык Joby Aviation Inc. компаниясы Uber менен биргеликте аба такси кызматын баштоону көздөп жатканы айтылат. Компания электр менен иштеген алты пропеллери бар, төрт жүргүнчү бата турган жана саатына 320 чакырым ылдамдыктаучуучу аппаратты 16 жылда иштеп чыккан.
NBC телеканалы жазгандай, аба таксинин баасы Uber’дин эң кымбат тарифи Uber Black деңгээлинде болот.
Ага буйрутма берүү кадимки такси кызматындай эле жүргүзүлөт. Бирок, бул учуучу унаалар атайын вертипорттордон гана уча алат. Ал жерге кадимки Uber такси аркылуу жетүүгө болот.
Дубайда азырынча төрт вертипорт курулуп жатат. Анын бири Аль-Мактум эл аралык аэропортунда жайгашкан. Бул аэропорттон Дубайдын борборуна жетүүчү 45 мүнөттүк жол аба таксиси менен барса 10 мүнөткө кыскарат.
