Меркурий, Венера, Марс планеталары 22-январда Күнгө абдан жакындайт
22-январга карата Жерге эң жакын үч планета — Меркурий, Венера жана Марс — Күнгө максималдуу жакындап, асманда геометриялык фигура болуп тизилерин Россия Илимдер академиясынын Космостук изилдөөлөр институтунун Күн астрономиясы лабораториясы билдирди.
Окумуштуулардын маалыматына ылайык, 22-январда Күн жана үч планета капталы болжол менен 2–3 градуска жеткен дээрлик туура ромб же крест формасын түзөт. Андан кийин сейрек кездешүүчү асман телолорунун парады акырындык менен тарай баштайт.
Жер тургундары сейрек кездешүүчү планеталар парадын 22-январда көрө алышат. Январь айынын аягына чейин биринчи болуп Күндөн Меркурий алыстай баштайт. Февраль айынын ичинде Венера, андан кийин Марс акырындык менен Күндөн алыстайт.
Астрономдор белгилегендей, үч планетанын Күнгө жакын кайрадан биригиши, бирок кеңири конфигурацияда — 10 градуска чейинки аралыкта — 2038-жылдын сентябрь айында гана болот. Ушуга байланыштуу 22-январда байкалган бул кубулуш кеминде ушул кылымдын алкагында уникалдуу көрүнүш болуп саналат.
