Чыгыш автобекетинин аймагы муниципалдык менчикке кайтарылды
Бишкек шаарындагы Чыгыш автобекетинин аймагы муниципалдык менчикке кайтарылды. Бул тууралуу Бишкек шаарынын мэриясынан билдиришти.
Маалыматка ылайык, буга чейин аталган тилкени «Айдоочулар союзу» ЖЧКсы пайдаланып келген. Аймакта ар кандай унаалар токтотулуп, жер шаардык бюджетке ижара акысы төлөнбөстөн колдонулуп келген.
Учурда мэрия тарабынан бул жер кайрадан муниципалдык менчикке өткөрүлдү. "Айдоочулар союзу" ЖЧКсы объектти үч күндүн ичинде демонтаждоо боюнча кепилдик кат берген.
Бүгүнкү күндө аймактагы унаалар чыгарылып, тосмолор алынууда. Мэриянын маалыматына караганда, мындан ары аталган аймак реконструкцияланып, Чыгыш автобекети таксилерге жана Кемин, Кант, Токмок шаарлары багытына каттаган кичи автобустарга ылайыкташтырылат.
Долбоордун алкагында аймак толугу менен асфальтталып, жарыктандыруу орнотулуп, жол белгилери жана жол чийиндери түшүрүлөт.
