Кескин кымбаттоолордон кийин алтын баасы дароо түшө баштады
Акыркы айларда дүйнөлүк алтын баалары эң олуттуу төмөндөөнү башынан кечирди. Тарыхый рекордду жаңырткандан кийин котировкалар кескин түрдө ылдый бурулуп, эки күндүн ичинде дээрлик 12%га арзандап, унциясы 5 миң доллардан төмөн түштү деп жазат "РосБизнесКонсалтинг" компаниясы.
Тренддин кескин өзгөрүшү 29-январда башталган. Бул күнү Чикаго товардык биржасында (CME) апрель айындагы фьючерстер унциясы үчүн 5 миң 626,8 долларга чейин жетип, эң жогорку чекке чыккан. Бирок соода күнүнүн аягына чейин баа 5 миң 126 долларга чейин төмөндөгөн. Бул өзгөрүү жыл ичиндеги эң ири күндүк термелүү болуп калды.
Бүгүн төмөндөө уланды: контракттардын баасы дагы 7%дан ашыкка түшүп, алгач ирет 4 миң 959 доллар деңгээлине чейин жетти. Reuters агенттигинин эксперттерин кошкондо, аналитиктер мындай кескин арзандоону рекорддук көрсөткүчтөрдөн кийин инвесторлордун массалык түрдө кирешени фиксациялашы менен байланыштырууда.
Алтынга кошумча басым доллардын курсунун чыңдалышы жана АКШнын Федералдык резерв системасынын келечектеги жетекчилигине байланыштуу белгисиздиктен улам пайда болду. KCM Trade компаниясынын башкы соода аналитиги Тим Уотерер белгилегендей, рынок АКШ Борбордук банкынын Федералдык резервдик системасынын кийинки жетекчисине талапкер тууралуу жаңылыктарды күтүп, айрым инвесторлор коргоочу активдердеги позицияларын кайра карап чыгууга мажбур болушту.
Макала жарыяланган учурда апрель айындагы фьючерстин баасы унциясы үчүн 5 миң 128,5 долларды түзүп, мурунку соода күнүнүн жабылышына салыштырмалуу 4,76%га төмөн болду.
