Транспорт көзөмөлү боюнча 9 айда 59,2 млн сомго протокол түзүлгөн
Кыргыз Республикасынын Административдик укук бузуулар кодексинин 181-беренеси боюнча бекитилген салмакөлчөм нормаларын сактабагандыгы үчүн 2025-жылдын 9 айында 3 158 протокол түзүлгөнүн Жер жана суу транспорт департаментинин материалдарында айтылат.
Түзүлгөн протоколдорго ылайык салынган айып пулдардын жалпы суммасы 59,2 млн. сомду түзгөн. 2024-жылдын ушул мезгилинде 36,1 млн. сомго 1921 протокол түзүлгөн.
Ошондой эле салмакөлчөм көзөмөлүнүн жыйынтыгы боюнча:
-автомобиль жолдоруна келтирилген зыян боюнча кайра калыбына келтирүү жыйымы 10,4 млн сом;
-салмакөлчөмдүк параметрлерди ченөө жыйымы – 5,7 млн сом;
-ири габариттүү жана оор салмактык жүктөрдү ташууга атайын уруксатты берүү жыйымы – 251 млн сом болгон.
