Барскоон-Бедел жолунун курулушу жаңы транспорттук коридорду түзөт
Барскоон-Бедел жолунун курулушу өлкөнүн өз каражаты менен жүзөгө ашырылат. Бул тууралуу Транспорт жана коммуникациялар министрлигинин маалымат кызматы билдирди.
Маалыматка ылайык, өлкө жетекчилигинин колдоосу менен жол-транспорт тармагына казынадан бөлүнгөн каражаттын көлөмү көбөйүп, ири долбоорлордун курулушу активдүү жүрүүдө. Алардын сап башында кыска убакыттын ичинде башталган улуттук маанидеги Барскоон-Бедел автожолу турат.
Бул жол Кытай менен түз транспорттук байланышты камсыз кыла турган жаңы коридор катары каралууда. Барскоон-Бедел жолунун курулушу өлкөнүн өз каражатынын эсебинен жүзөгө ашырылат жана өлкө экономикасына олуттуу салым кошот,-деп айтылат маалыматта.
