Ири темир жол долбоорлору өлкө экономикасын өнүктүрүүгө салым кошот
Кыргызстанда темир жол тармагын өнүктүрүү, өлкөнүн экономикасын бекемдөө жана аймактарды байланыштырууну күчөтүү максатында ири инфраструктуралык долбоорлор башталып, жаңы темир жол магистралдары курулуп жатат. Бул тууралуу "Кыргыз темир жолу" мамлекеттик ишканасынан билдиришти.
Учурда “Кытай – Кыргызстан – Өзбекстан” темир жолу курулушу жүрүүдө. Ошондой эле “Балыкчы – Кочкор” темир жолунун курулушу Кочкор районунда активдүү уланууда.
Эксперттердин баамында, бул долбоорлор ишке ашса, өлкөнүн ички жана эл аралык транспорттук байланышы кеңейип, соода-сатык жана туристтик агымдарга чоң дем берет.
