Бишкекте акы төлөнүүчү айланма жол курулат
МинКаб Бишкектеги жаңы акы төлөнүүчү Чыгыш айланма жолун курууну жактырды. Жолду курулушту ылдамдатып, мамлекеттик жана жеке өнөктөштүктүн жаңы моделдерин тесттен өткөрүүнү ылдамдата турган “долбоордук кум салгыч” форматында куруу пландалып жатат.
Токтомго ылайык, мамлекеттик өнөктөш катары Транспорт жана коммуникациялар министрлиги, Чүй облусундагы президенттин ыйгарым укуктуу өкүлүнүн аппараты жана Бишкек мэриясы чыгат.
Бул долбоорду ишке ашырыш үчүн ведомстволор жалпы аянты 79,8 гектар жер участогун тандап, каттап, трансформациядан өткөрүп, бардык коштоочу процедураларды жүргүзүүлөрү керек.
Мындан сырткары, Маданият министрлигине тандалган участоктун археологиялык экспертизасын жүргүзүү, Курулуш жана Жаратылыш министрлигине курулуштук жана экологиялык макулдашууларды өткөрүүнү камсыз кылуу тапшырмалары берилди. Курулуш тиешелүү тартипте бөлүнүп берилген карьердик материалдар менен камсыз болот.
