Транспорт

Бишкек Батыш айланма жолун куруу боюнча меморандумга кол коюлду

Ишкер Media

30 янв. 2026 20:05

23-январда Инвестициялар боюнча улуттук агенттикте Бишкек шаарынын Батыш айланма жолун куруу жана пайдалануу долбоору боюнча кызматташуу жөнүндө меморандумга кол коюлганын ведомствонун басма сөз кызматы маалымдады.

Документ долбоорду мамлекеттик-жеке өнөктөштүк (МЖӨ) принциптеринин негизинде ишке ашырууга кызыкдар болгон тараптардын ниеттерин бекемдеди. Меморандумга Транспорт жана коммуникациялар министрлигинин, Инвестициялар боюнча улуттук агенттиктин, Бишкек шаарынын мэриясынын, "Элдик Банк" ААКсынын, "Бат Жет" ЖЧКсынын жана Кытайдын China National Heavy Machinery Corporation (CHMC) корпорациясынын өкүлдөрү кол коюшту. Процессти координациялоо жана методологиялык колдоо көрсөтүү МЖӨ борбору тарабынан камсыздалат.

Демилгенин негизги максаты — Бишкек шаарынын көчө-жол тармагына түшкөн жүктү азайтуу үчүн заманбап транспорттук инфраструктураны түзүү. Жаңы магистралдык жол логистиканы жакшыртып, шаарды транзиттик тыгындардан арылтууга тийиш.

Меморандумга кол коюу бийликтин жол тармагын жеке капиталды тартуу аркылуу өнүктүрүү стратегиясынын уландысы болуп саналат. Буга чейин МЖӨ борборунун катышуусунда Чыгыш айланма жолду куруу боюнча келишим түзүлгөн.

Эки долбоордун тең ишке ашырылышы борбор калаанын айланасында толук транспорттук шакекти түзүүгө, жол кыймылынын коопсуздугун жогорулатууга жана акы төлөнүүчү автожолдорду пайдалануу технологияларын киргизүүгө мүмкүндүк берет. Тараптар Кыргыз Республикасынын экономикасына инвестиция тартуу максатында ачык-айкын шарттарда иш алып барууга даяр экенин тастыкташты.

Мындан тышкары окуңуз

Оор жүк ташуучу унааларга каршы рейдде 3,5 млн сом айып пул салынды

Өлкөдө оор жүк ташуучу унааларга каршы жүргүзүлгөн рейддин жыйынтыгында жүздөгөн мыйзам бузуу фактылары аныкталды. Бул тууралуу Транспорт жана коммуникациялар министрлигинен билдиришти. Жерде жүрүүчү жана суу транспорту департаменти тарабынан өлкө аймагында жүк ташуучу автоунааларга карата бир айлык рейддик иш-чара өткөрүлдү. Иш-чара 19-февралдан 13-мартка чейин Жол коопсуздугун камсыздоо башкы башкармалыгы менен биргеликте

Быйыл 28 миңдей унаа камсыздандырылып, 50 млн 628 миң сом кенемте төлөнүп берилди

Транспорт каражаттарынын ээлеринин жарандык-укуктук жоопкерчилигин милдеттүү камсыздандыруу (ОСАГО) системасы, анын алкагында төлөнүп жаткан каражаттар жана аймактардагы сандык көрсөткүчтөр тууралуу “Кабар” агенттигине Мамлекеттик камсыздандыруу уюмунун төрагасынын орун басары Закир Айдаралиев маалымат берди. Анын айтымында, 2026-жылдын башынан 13-мартка чейин 28 миңге жакын айдоочу унаасын камсыздандырып, ОСАГО полисин алган. Бул 1,56%ды

Кыргызстанда күйүүчү май тартыштыгы болобу? Нефтетрейдерлерге талаптар коюлду

Күн мурун Монополияга каршы жөнгө салуу кызматы тарабынан Кыргызстандын нефтетрейдерлери менен жумушчу жолугушуу өткөрүлдү. Ага тармактагы ассоциациялар жана бир катар ири мунай компанияларынын өкүлдөрү катышты. Бул тууралуу Монополияга каршы жөнгө салуу кызматынан билдиришти. Жолугушууда калкты күйүүчү-майлоочу материалдар менен туруктуу камсыз кылуу жана бааларды көзөмөлдөө маселелери талкууланды. Нефтетрейдерлердин маалыматына ылайык, учурда

Бишкек мэриясы миңдеген үлүшчүлөргө техпаспорт берүү жолун тапты

Бишкек шаарында үлүштүк курулуштун катышуучулары үчүн техпаспортторду тариздөө жана келишимдерди каттоо боюнча убактылуу эрежелер киргизилерин шаар мэриясы билдирди. 2026-жылдын 12-мартындагы тескеме муниципалдык жер тилкелеринде курулган көп кабаттуу үйлөрдөгү үлүшчүлөрдүн көйгөйлөрүн чечүүгө багытталган. Документ Кыргыз Республикасынын президентинин турак жайга болгон укуктарды каттоо маселелерин жөнгө салуу боюнча тапшырмасын аткаруу максатында кабыл алынган.