Жакынкы Чыгыштагы согуштан улам авиабилеттер кымбатташы мүмкүн
"Авиация тармагы COVID-19 пандемиясынын кесепеттерине салыштырмалуу олуттуу кризиске туш болду" деп Financial Times жазды. Жакынкы Чыгыштагы үч жумага созулган аскердик аракеттер массалык каттамдардын токтотулушуна, күйүүчү май тартыштыгына алып келип, авиаташууларга болгон суроо-талаптын төмөндөшү коркунучун жаратты.
Авиакомпаниялардын чыгымдарынын үчтөн бири учак күйүүчү майына туура келет. Согуш башталгандан бери анын баасы эки эсеге өстү. Баанын өсүшү уланууда, бул ташуучулардын кирешесине басым жасоодо. EasyJet компаниясынын башкы директору Кентон Джарвис бул абал 2022-жылы Украинадагы аскердик аракеттердин кесепеттеринен да оор экенин белгиледи.
Авиакомпаниялар билет бааларын көтөрүү менен жооп берүүдө, бирок бул суроо-талапты азайтышы мүмкүн экенин түшүнүшөт. Lufthansa компаниясынын башкы директору Карстен Шпор бир жүргүнчүдөн орточо киреше болжол менен 10 евро экенин айтты. Ошондой эле ташуучулар күйүүчү май жетишпей калган учурларга карата пландарды иштеп чыгышууда. Мисалы, Air France-KLM айрым Азия багыттарындагы каттамдарды кыскартууну караштырууда.
Кризис өзгөчө Перс булуңундагы авиакомпанияларга катуу тийди — Emirates, Etihad Airways жана Qatar Airwaysаба мейкиндигинин жабылышы жана туристтик агымдын азайышынан улам каттамдарын кыскартууга аргасыз болушту.
Мындан тышкары, башка аймактарда да жүк көбөйүүдө: айрым товарлар деңиз аркылуу ташуудагы көйгөйлөрдөн улам авиацияга өтүп, аэропорттордо жүктөмдү көбөйтүп жатат.
