"Манас" эл аралык аэропортунун өткөрүү мүмкүнчүлүгү үч эсеге көбөйөт
"Кыргызстан аэропорттору" ААКсынын басма сөз кызматы билдиргендей, "Манас" эл аралык аэропортунун аэровокзал комплексин масштабдуу реконструкциялоо иштери активдүү жүрүп жатат. Долбоордун алкагында аэровокзалдын аймагы 20 миң чарчы метрге кеңейтилүүдө. Бул инфраструктураны кыйла кеңейтүүгө жана анын натыйжалуулугун жогорулатууга мүмкүндүк берет.
Жаңыланган комплекс заманбап технологиялуулук, ыңгайлуулук жана дизайн стандарттарына жооп берет. Натыйжада аэропорттун өткөрүү мүмкүнчүлүгү үч эсеге көбөйөт.
Ошол эле учурда 650 унаага ылайыкталган жаңы жабык унаа токтотуучу жай курулууда.
Бул унаа токтотуучу жай терминал менен заманбап жабык өтмөк аркылуу туташтырылат. Бул жүргүнчүлөрдүн жылдын бардык мезгилинде коопсуз жана ыңгайлуу жүрүүсүн камсыз кылат.
