Кыргызстандын экономикасын калыбына келтирүү – Кумтөрдөн көз каранды
Евразия өнүктүрүү банкы бул жылы Кыргызстандын экономикасынын өсүүсүнүн калыбына келүүсүн божомолдоодо. Бирок өсүү динамикасынын келечектеги орто мөөнөтүн Кумтөрдөгү өндүрүштөрдүн көрсөткүчтөрү аныктайт. Бул тууралуу банктын макроэкономикалык серептеринде айтылат.
ЕАӨБнын экономисттеринин баа беришине караганда, Кыргызстандын ИДӨнүн (ички дүң өнүм) өсүүсү – 3.9% ды түзөт. Буга өткөн жылга салыштырмалуу бул жылдагы санитардык чектөөлөрдүн азайышы өбөлгө түзмөкчү.
Бирок Centerra Gold компаниясынын планына ылайык, рудниктеги алтынды өндүрүү 2021-жылы 12%га азаймакчы, бул өз кезегинде ИДӨдүн өсүүсүн 1-1.3% га чейин түшүрөт. Бирок дүйнөлүк базардагы алтынга болгон кымбат баанын сакталуусу – алтын өндүрүү секторундогу терс көрсөткүчтөрдү кандайдыр бир деңгээлде нивелирдейт деп эсептешет финансы институтундагылар.
Эксперттер экинчи кварталда соода жана кызмат секторлорунда (СБ, ресторандар, профессионалдык кызмат көрсөтүү тармактары) жакшы жандануу болоорун айтышууда. Бирок туристтик жана транспорт секторундагы активдүү калыбына келүү көп убакытты талап кылышы мүмкүн.
Болжолдонгон акча которуулардын агымынын өсүшү ички талапка колдоо көрсөтөт. Башка соода кызматташта болгон мамлекеттердеги карантиндик чектөөлөрдүн азайышы – кыргызстандык өндүрүмдөрдүн сыртка чыгуусуна оң таасирин тийгизи мүмкүн деп болжолдойт ЕАӨБ.
Эскерте кетсек, 2020-жылдын жыйынтыгы боюнча ИДӨ кескин рекорддо ылдыйлап, 8,6%ды түзгөн. Кумтөр болбосо экономиканын төмөндөөсү – 9%ды түзмөк.
