Абройлуу эл аралык аянтчада Кыргызстандын улуттук стенди ачылды
3-4-мартта Берлин шаарында өтүп жаткан ITB Berlin-2026 эл аралык туристтик көргөзмөсүндө Кыргызстандын улуттук стенди ачылганын Экономика жана коммерция министрлигинен билдиришти.
ITB Berlin-2026 туризм тармагындагы эң ири жана абройлуу эл аралык аянтчалардын бири.
Улуттук стенд Туризм департаменти тарабынан "Кыргыз Республикасында туризмди өнүктүрүүнү колдоо фонду" ААК менен биргеликте Кыргызстандын Германиядагы элчилигинин колдоосу менен уюштурулду.
Анын ишине 11 туристтик компаниянын, 4 туристтик дестинациянын өкүлдөрү, ошондой эле Кыргызстандын туроператорлор ассоциациясы катышууда.
"Көргөзмөнүн алкагында B2B-жолугушууларды, Кыргызстандын туристтик потенциалын таанытуу иш-чараларын, ошондой эле алдыда өтө турган Дүйнөлүк көчмөндөр оюндарына жана Чыңгыз Айтматов атындагы Эл аралык Ысык-Көл форумуна арналган иш-чараларды өткөрүү пландаштырылган", - деп айтылат маалыматта.
