Кытай кийинкиге калтырылган төлөмдөр үчүн Кыргыз Республикасынан кошумча төлөм талап кылбайт
Кытай кийинкиге калтырылган карыз төлөмдөрү үчүн КРнан кошумча төлөм талап кылбайт. Бул Кыргызстандын тышкы иштер министри Руслан Казакбаев менен Кытай министри Ван Инин сүйлөшүүлөрүнөн кийин белгилүү болду. ТИМнин билдирүүсүнө ылайык, жолугушуу Сиянь шаарында Казакбаевдин Кытайга болгон атайын иш сапарынын алкагында уюштурулган.
Кытай тарап андан сырткары төмөндөгүдөй чечимдерге келген:
- КРна акысыз 150 миң доза вакцинанын экинчи партиясын жөнөтүү
- КРнын экономикасын колдоого 350 млн юань ($54 млн) өлчөмүндө грант берүү
- COVID-19 пандемиясы учурунда токтоп калган КРдагы гранттык долбоорлорду ишке ашырууга кытайлык адистерди жөнөтүү
- КРна азык-түлүк менен жардам берүү маселесин карап чыгуу
Андан сырткары, Кытайдын тышкы иштер министри Кыргызстандан картөшкө, жүзүм, фасоль сыяктуу экологиялык таза айыл-чарба азыктарынын Кытайга экспорттолуусуна кызыкдар экенин билдирди.
Ошондой эле эки тарап «Торугарт» жана «Иркештам» текшерүү пункттарынын иштерин оптимизациялоого күч жумшоо туралуу макулдашышты.
