ЕРӨБ Кумтөр боюнча тынчсыздануусун билдирет
Европалык реконструкция жана өнүктүрүү банкы (ЕРӨБ) КРнын парламенти бүгүн 17-майда «Kumtor Gold Company» ишканасын мамлекеттин карамагына өткөрүп алуу процессин баштоо жөнүндө чечим кабыл алышы мүмкүн экенин айтып, терең тынчсыздануусун билдирди.
«Кандай гана чечим болбосун, ал КРнын эл аралык өнөктөштөрдүн жана чет элдик инвесторлордун алдындагы милдеттенмелерин аткаруусуна шек келтирет. Бул өлкөнүн экономикасынын калыбына келишине жана инвесторлордун иштеши үчүн коопсуздук кадыр-баркына тобокелчилик жаратат», – деп айтылат билдирүүдө.
ЕРӨБ өз акционерлери, башка эл аралык каржы институттар жана чет өлкөлүк, ата мекендик ишкерлер менен биргеликте тыгыз иштегенин жана мындай аракеттердин терс таасирине алардын көңүлүн буруу менен бирге алардын реакциясын жумшартуу боюнча иш алып бараарын айтат.
ЕРӨБ Кыргыз Республикасынын бийлиги менен биргеликте инвестициялык климатты жакшыртуу боюнча иш алып барууну, жана ошондой эле адамдардын жашоосун жакшы жагына өзгөртө турган инвестицияларды алып келүүнү көздөйт.
