Контрабанда менен күрөшүүдөн бюджетке 99 млн сом түштү
Мамлекеттик бажы кызматы контрабандага каршы күрөшүү боюнча ушул жылдын төрт айлык ишмердүүлүгүнүн жыйынтыгын чыгарды. Анда мыйзам бузуулардын 1 миң фактысы катталып, натыйжада, бюджетке 99 050 286 сом каражат түшкөн. Бул тууралуу МБКнын маалымат кызматы билдирет.
Үстүбүздөгү жылдын төрт айында бажы кызматынын аткезчиликке каршы күрөшүү бөлүмдөрү тарабынан 1000 укук бузуу фактысы аныкталган.
Өткөн жылдын ушул мезгилиндеги көрсөткүчтөргө салыштырмалуу бузууларды аныктоо 134% га жогорулаган, 2020-жылы 427 мыйзам бузуу аныкталса, отчеттук мезгилде бул көрсөткүч 1000 фактыны түзгөн.
Бюджетке кошумча түшкөн каражаттын суммасы 82% га же 35 676 705 сомго көбөйгөн. 2020-жылдын 4 айында кошумча түшүүлөрдүн суммасы 54 373 582 сом болсо, отчеттук кварталда бул көрсөткүч 99 050 286 сомду түзгөн.
