УКМК: Мамлекеттик каржылык көзөмөл кызматынын статс-катчысы кылмышка шектелүүдө

КРнын УКМК тарабынан мамлекеттик бийлик органдарындагы коррупциялык кылмыштарды жоюу боюнча жүргүзүлүп жаткан иш-чаралардын жүрүшүндө, Финансылык рынокту жөнгө салуу жана көзөмөлдөө боюнча мамлекеттик кызматынын статс-катчысы Жылдыз Нурматовага кызмат абалынан пайдаланганы үчүн кылмыш иши козголду.

Финансылык рынокту жөнгө салуу жана көзөмөлдөө боюнча мамлекеттик кызматынын статс-катчысы Жылдыз Нурматова кызматтык абалынан кыянаттык менен пайдаланган деп шектелүүдө. Анын алдамчылык аракеттеринин фактылары аныкталып, натыйжада, арыз ээсинин материалынын негизинде, КРнын Кылмыш-жаза кодексинин 204-беренеси (Алдамчылык) кылмыш курамы боюнча кылмыш иши козголду.

2020-жылдын октябрында Н.Ж. ишеним менен Ж.И. аттуу жаранга компаниянын өзүнүн жетекчилиги астында өткөрүлгөн товарларды жана кызматтарды сатып алуу боюнча тендерге катышуусу үчүн зарыл шарттарды түзүү шылтоосу менен 22 700 АКШ $ өлчөмүндөгү каражатты өзүнө ыйгарып алган.

Мунун менен катар, ал көрсөтүлгөн каржылык колдоо үчүн, ал арыз ээсине мамлекеттик кызматка орношууда ар тараптуу жардам көрсөтөт, ал бюджеттик каражаттардын эсебинен чет өлкөгө тез-тез иш сапарларын камсыз кылат. Аталган элементтерге мыйзамдуулукту берүү максатында, Н.Ж. насыяланган каражаттарды пайдалануу максатын көрсөтүү менен тиешелүү келишим түзгөн.

Мындан тышкары, Н.Ж. кызматтык бөлмөсүнө жана жашаган жеринде жүргүзүлгөн тинтүү учурунда, документтерди жасалмалоо максатында колдонулган ар кандай мамлекеттик органдардын жана коммерциялык структуралардын мөөрлөрү, ошондой эле товарларды жана кызмат көрсөтүүлөрдү жасалма белгилери менен жеткирүү боюнча келишимдер табылган.

Учурда Н.Ж. катышкан башка мыйзамсыз фактыларды аныктоо иштери жүрүп жатат.