Кой этине жана пахта майына болгон баа өсүүдө – Улутстатком
Үстүбүздөгү жылдын май айында кой этине жана пахта майына болгон баалардын олуттуу өсүшү байкалган. Бул тууралуу Улуттук статистикалык комитетинин маалымат кызматы билдирет.
Республиканын 18 калктуу конушу боюнча Улутстатком тарабынан жүргүзүлгөн негизги тамак-аш продуктуларына орточо керектөө бааларынын ар жумалык мониторингинин жыйынтыктарына таянсак, үстүбүздөгү жылдын 20-майына карата республика боюнча кой этинин орточо баасы – 465,47 сомду түзгөн. Бул апрель айына салыштырмалуу 18,14 сомго же 4,1%га өскөн. Ал эми 1 кг пахта майынын баасы 167,09 сом болуп, ал өткөн айга салыштырмалуу 3,6% өскөнүн байкоого болот.
