Кыргызстанда 20-майдан тартып, РФга экспорттолуучу жеңил өнөр жай товарларынын айрым топторуна маркалоо коддору бериле баштады. Бул тууралуу Мамлекеттик салык кызматынын маалымат кызматы билдирет.

Маркалоо коддору РФнын маалымат системасы тарабынан иштелип чыккан жана операторлор аралык алмашуунун алкагында «Альфа Телеком» ЖАК тарабынан берилет.

Экспортко чыккан төмөндөгү жеңил өнөр-жай товарлары маркаланууга тийиш:

• кийим буюмдары, анын ичинде табигый же курама булгаарыдан жасалган  кийимдер (ТНВЭД- 4203 10 000)
• аялдар же кыздар үчүн машинага же колго токулган жеңил кийимдер: блузкалар, блуздар жана блузондор (ТНВЭД- 6106)
• пальто, жарым пальто, накидкалар, плащтар, курткалар (анын ичинде лыжа үчүн), ветровкалар, штормовкалар жана ага окшош эркектер же эркек балдар үчүн буюмдар(ТНВЭД- 620)
• пальто, кыска пальто, накидкалар, плащтар, курткалар (анын ичинде лыжа үчүн), ветровкалар, штормовкалар жана ага окшош аялдар же кыздар үчүн буюмдар (ТНВЭД- 6202)
• төшөк, ашкана жана даараткана буюмдары (ТНВЭД- 6302)

Маркалоо кодун кантип алса болот?

Жогоруда аталган товарларды өндүрүүчүлөр жана экспорттоочулар, маркировкалоо жана GTIN-коддорун алуу үчүн, биринчи кезекте, GS1 предметтик нумерациялоо Ассоциациясына кириши керек.

Ушундан кийин гана «Альфа Телеком» менен белгилөө коддорун көрсөтүү боюнча кызматтарды алуу келишими түзүлөт. Анын негизинде ишкерлер маркалоо коддоруна буйрук берген, товарларга болгон арыздарын жана аларды жөнөтүүнү каттаган системага кирүүгө мүмкүнчүлүк алышат.

«Альфа Телеком» ЖАКы менен келишим түзүү үчүн төмөнкү даректер боюнча тейлөө борборлоруна кайрылууга болот:

Бишкек шаарында:

Восток-5 кичи району, Чүй проспекти, 32/б үйү, «Изумруд» соода борборунун жанында

Кожевенная көчөсү, «Дордой» базары, 15 өтмөк, № 60-61 конт. (“Мир обуви”)

Чүй проспекти, 204, «Берекет Гранд» СБ, 0-этаж;

Айтматов проспекти, 3, «Asia Mall» СБ, этаж 0.

Ош шаарында:

Масалиев проспекти, 2 (багыттама – Каныкей эстелиги)

Кара-Суу шаарында

Бакиев көчөсү (багыттама – К. Жакыпов атындагы мектеп-интернаты).

_________________________________________________________________________

Товарларды маркалоо боюнча кошумча маалыматты «Текшер» системасынын https://main.teksher.kg расмий сайтынан, ошондой эле акысыз 116 номерине 0 999 333 999 номерине чалуу аркылуу Салык кызматынын маалымат борборунан алууга болот.