Германия КРнын ишкерлерин иш стажына чакырат
Германиянын Федералдык Экономика жана Энергетика министрлигинин ишкерлерге арналган «Fit for Partnership with Germany» программасы Кыргызстандын бизнес өкүлдөрүн иш стажына чакырууда. Бул тууралуу КРнын Германиядагы элчилигинин кеңешчиси Айбек Шамировдун программанын Борбор Азиядагы жетекчиси Анжела Леке менен болгон онлайн-жолугушуусунда айтылганын КРнын Тышкы иштер министрлиги билдирди.
Министрликтен белгиленгендей, программанын максаты – Кыргызстандын бизнес өкүлдөрү менен Германиянын ишканаларынын ортосундагы экономикалык кызматташтыкты түзүү болуп саналат. Окуунун алкагында, катышуучулар Германияга барып, ал жактын ишканалары жана уюмдарынын өкүлдөрү менен түздөн-түз ишкер байланыш түзүшөт.
ТИМ Кыргызстан 2007-жылдан бери бул программанын өнөктөшү экенин жана бул убакыт ичинде ага КРгы 300дөн ашык ишканалардын жетекчилери катышканын билдирди.
Катышуунун шарттары тууралуу жана кеңири маалыматты төмөндөгү шилтемеден окуй аласыз:
