Улуттук коопсуздук мамлекеттик комитети камакка алынган Бишкектин экс-мэри Азиз Суракматовдун мүлктөрүнүн тизмесин жарыялады.

Эскерте кетсек, мурдагы мэр мамлекеттин эсебинен мыйзамсыз байыган деген айып менен шектелүүдө. Маалыматка ылайык, Суракматовдун жана анын жакын туугандарынын кирешелери эч кандай негизсиз эле кескин көбөйгөн. УКМК ал мүлктөрдүн наркын 50 млн доллардан ашуун деп баалап жатат.

Мамлекеттик комитеттин маалыматы боюнча, экс-мэрге төмөндөгү мүлктөр тиешелүү:

• «Елизавета» курулуш компаниясы
• «Центр Офис» ЖЧК (кыймылсыз мүлктү ижарага берүү)
• «Слон» коопсуздук жана детектив агенттиги
• «Слон» кыймылсыз мүлк агенттиги
• «Финанс кредит строй» ЖЧК микрокредиттик компаниясы
• «Новый город» компаниясы
• «Папа Карло» компаниясы
• Sphere KG компаниясы
• «Столица Строй», «Столица» жана «Столица плюс» ЖЧКлары
• «Ливерпуль» ЖЧК
• «Ак-Нан» ЖЧК
• «Поларис Групп» ЖЧК
• «Юрист Риэлт Строй» ЖЧК
• «Самолет» ЖЧК
• «Улитка» эс алуу борбору
• Бостери айылындагы эс алуу үйлөрү («Кыргызское взморье» санаториясынын территориясында), Суракматовдун эжесине жана байкесине катталган
• Сары-Ой айылындагы эс алуу үйү («Ак-Марал» эс алуу борбору), Суракматовдун келинчеги Джумалиевага катталган.