Тимур Файзиев Elite House компаниясынын башкы директорлук кызматынан 2020-жылдын август айында эле кеткен жана коррупцияга катыштыгы бар деген шек менен ага коюлган айыптар боюнча компания эч кандай комментарий бере албайт. Мындай маалымат Тимур Файзиевге коюлган айыптан кийин курулуш компаниясы жарыялаган билдирүүдө айтылды.

«Тимур Файзиев боюнча компетенттүү органдар гана комментарий бере алат», – деп айтылат «Элит Хаус» курулуш компаниясынын билдирүүсүндө.

Elite House компаниясы өзү кадимки режимде иштеп жатат, курулуш иштери графикке ылайык жүрүүдө. «Компаниянын үлүш ээлери жана өнөктөштөрү алдындагы бардык милдеттенмелер өз убагында аткарылат», – деп билдиришти компаниядан.

Эскерте кетсек, Elite House курулуш компаниясынын мурдагы директору, Кыргызстандын бизнес жамаатынын биргелешкен негиздөөчүсү, өзүн коомдук ишмер, бизнес өкүл ата деп тааныштырып келген медиа инсан Тимур Файзиев коррупцияга катыштыгы бар деген айып менен шектелүүдө.