Тогуз коммерциялык банк биринчи кварталды чыгым менен жапты
Тогуз коммерциялык банк, эки камсыздандыруу компаниясы жана 113 кредиттик уюм үстүбүздөгү жылдын биринчи кварталын чыгым менен жапты. Мындай маалыматтарды Улуттук статистикалык комитет берди.
Маалыматтарга ылайык, банктар 66,8 млн сом, камсыздандыруу компаниялары 6,3 млн сом чыгым тартышты. Насыялык мекемелердин жоготуулары 78,3 млн сомду түзгөн.
Кирешелүү натыйжа менен биринчи кварталды 18 банк (+823,9 млн сом), 12 камсыздандыруу компаниясы (+90,2 млн сом) жана 327 насыя уюму (+745,7 млн сом) жапты.
Белгилей кетсек, Кыргызстанда 27 коммерциялык банк, 14 камсыздандыруу компаниясы жана 558 кредиттик уюм бар. Ошентип, рентабелдүү эмес ишканалардын жалпы санына карата катышы боюнча, банк сектору эң көп зыян тарткан.
