ЖКнын комитети Дүйнөлүк Банктан алына турган 20 млн долларлык насыя жана гранттык каражатты макулдашты
ЖКнын бюджет жана финансы боюнча комитети КР менен Эл аралык Өнүктүрүү Ассоциациясынын ортосундагы «COVID-19 боюнча өзгөчө кырдаал» макулдашуу-катынын долбоорун жактырды. Бул тууралуу парламенттин басма сөз кызматы билдирди.
Эске салсак, Дүйнөлүк Банк 10 млн долларлык насыяны 0,75% жана 10 млн доллар грант менен берүүнү пландаштырууда. Насыянын мөөнөтү 38 жыл, ошондой эле анын ичинде 6 жылдык жеңилдетилген мөөнөт бар.
Кошумча каржылоонун жана долбоорду реструктуризациялоонун негизги максаты – COVID-19 вакциналарына жетүүгө бирдей мүмкүнчүлүк түзүүнү камсыз кылуу болуп эсептелет.
