Баткендиктерге жардам көрсөтүү максатында, согуштук аракеттер мыйзамда эми камсыздандыруу окуясына кошулат

Назира Абдиева

Баткендиктерге жардам көрсөтүү максатында, согуштук аракеттер мыйзамда эми камсыздандыруу окуясына кошулат

Баткен облусундагы согуштук аракеттердин кесепетинен жарандардын кыймылсыз мүлктөрү кыйроолорго учурады. Келтирилген зыяндардын ордун толтуруу максатында «Турак жайды өрттөн жана табигый кырсыктардан милдеттүү камсыздандыруу жөнүндө» КРнын Мыйзамынын 8-беренесине өзгөртүүлөрдү киргизүү сунушталып, ал парламенттин сайтында коомдук талкууга коюлду.

«Турак жайды өрттөн жана табигый кырсыктардан милдеттүү камсыздандыруу жөнүндө» КРнын Мыйзамынын 8-беренесинин 3-бөлүгүнө ылайык, согуштук аракеттердин окуялары жана алардын кесепеттери камсыздандыруу окуясы болуп саналбайт болчу.

Бирок Баткен облусундагы согуштук аракеттердин кесепетинен  жарандардын кыймылсыз мүлктөрү кыйроолорго учурады. Ушундан улам кыйроого учураган турак-жайларды калыбына келтирүү максатында, мыйзамга өзгөртүүлөрдү киргизүүнүн зарылдыгы келип чыккан.

Анткени ушул жабыр тарткан жарандар материалдык жактан аярлуу болуп саналат, ошондой эле алар башка мүлктөрүн жана материалдык баалуулуктарын да жоготушкан. Андыктан чек ара жаңжалынан жабыр тарткандарга колдоо көрсөтүш үчүн согуштук аракеттерди камсыздандыруу окуясына кошуу керектигин мыйзамдын демилгечилери баса белгилөөдө.

Жаңылыктар биздин Телеграмм каналда

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа
Бишкекте 8 автобус каттамынын кыймыл - чиймеси убактылуу өзгөртүлдү

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы
Бишкекте бийик имараттарды курууда жаңы технологиялар колдонулууда

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу
Электр энергиясынын жоготуулары 5-10%га төмөндөдү

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "