"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды.

Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат.

"Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа токтотуучу жайдын жалпы аянты болжол менен 24 миң чарчы метрди түзүп, 650 унаага ылайыкталган эки блоктон жана беш кабаттан турат.

Жүргүнчүлөрдүн ыңгайлуулугун жана коопсуздугун камсыздоо максатында имарат толук түрдө автоматташтырылган контролдоо жана башкаруу системалары менен жабдылат. Ыңгайлуулукка өзгөчө көңүл буруп жатабыз, алсак, жүргүнчүлөр терминалга оңой жана коопсуз жетүүсү үчүн унаа токтотуучу жай менен аэробекеттин ортосунда жабык өтмөк курулат", - деп жазды ал.

Самидинов курулуш иштерин 2026-жылдын июль айында бүтүрүү пландалып жатканын кошумчалады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Кыргызстан менен Пакистан товар жүгүртүүнүн көлөмүн көбөйтүү боюнча талкуулашты

Бишкектеги бир катар үйлөрдө жылуулук жана ысык суу өчүрүлдү

Өлкөдө асыл тукум статусуна ээ болгон чарбаларга мониторинг жүргүзүлөт

2027-жылы республикалык бюджеттин көлөмү 1 трлн сомдон ашат

Аңчылыктын аякташына 1 айга жетпеген убакыт калды