Кургакчыл жай жана коронавирус – Кыргызстан айыл чарба продукцияларын экспорттоого тыюу салуунун мөөнөтүн узартууну көздөөдө

Назира Абдиева

14 июня 2021 20:30

Кыргызстан айрым айыл чарба азыктарын экспорттоого тыюу салууну жыл аягына чейин узартууну сунуш кылды. Тиешелүү токтом долбоору коомдук талкууга коюлуп, өкмөттүн сайтында жарыяланды.

Бул айыл чарба азыктары:

айыл чарба өсүмдүктөрү – буудай, арпа, жүгөрү, күрүч, жем

тамак-аш жана кайра иштетүү өнөр жайынын продукциялары – буудай уну, өсүмдүк майы, кум шекер

мал чарба азыктары – тоок жумурткасы

Республиканын ички азык-түлүк рыногунда абалды турукташтыруу, айыл чарба товарларынын опурталдуу жетишсиздигин жана алардын бааларынын жогорулашын болтурбоо аталган токтом долбоорунун максаты болуп эсептелет. Эгерде өлкөдө бул азыктардын жетишсиздиги башталса – базардагы баалар кескин көтөрүлүшү мүмкүн.

Долбоордун демилгечилеринин айтымында, кыш мезгилинде кардын аз жаашы, жаздын кеч келиши 2021-жылдын жазгы талаа жумуштарынын айрым технологиялык процесстерин бузду жана Кыргызметео кызматынын алдын-ала берген маалыматтарына ылайык, жайдын кургакчыл болушу күтүлүүдө, натыйжада, анын кесепети айыл чарба өндүрүшүнө терс таасир берет.

Жогоруда көрсөтүлгөн терс таасирлердин комплекси жана коронавирус инфекциясынын пандемиясынын күтүлүп жаткан экинчи, үчүнчү толкунунун кесепети – өлкөнүн азык-түлүк коопсуздугуна коркунуч алып келиши мүмкүн.

Андыктан аталган долбоор ички азык-түлүк рыногундагы терс кесепеттердин алдын алуу максатында демилгеленген.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "