Германиялык дипломаттар КРда министрлер кабинетинин алдында инвестициялык кеңеш түзүүнү сунушташты

Назира Абдиева

18 июня 2021 16:01

Министрлер Кабинетинин Төрагасы Улукбек Марипов КРнын Германиядагы ардактуу консулдары Карл Элердинг, Райнхольд Краммель, Хольштайн Крошк, ошондой эле «KNAUF» компаниясынын КМШ өлкөлөрү боюнча директору Александр Блумхард менен жолугушту. Бул тууралуу өкмөттүн маалымат кызматы билдирди.

Министрлер Кабинетинин башчысы КРнын ардактуу консулдары катары алардын эки өлкө ортосундагы достук мамилени өнүктүрүүгө болгон салымын белгиледи.

«КР ГФРны Европадагы негизги жана маанилүү өнөктөштөрдүн бири катары карайт жана биздин өлкөлөр ортосундагы көп тараптуу кызматташтыкты өнүктүрүүгө даяр. Сиздердин ийгиликтүү ишмердигиңиздер Германиядан жаңы инвестицияларды жана технологияларды тартууда үлгү жарата алат. Министрлер Кабинети өлкөгө германиялык компанияларды жана технологияларды тартуу боюнча ишти активдештирүүгө даяр», – деди Улукбек Марипов.

Жолугушуунун жүрүшүндө кызматташуунун жана өнөктөштүктүн келечектеги маселелери талкууланды.

Герман тарап Министрлер Кабинетине караштуу инвестициялык кеңешти түзүүнү сунуштады.

Мындан тышкары, кесиптик-техникалык билим берүү жана туризм тармагында кадрларды даярдоо, органикалык продуктуларды өндүрүү, экологиялык резервуарларды орнотуу, унааларды милдеттүү түрдө камсыздандыруу боюнча маалыматтык тутумду ишке киргизүү жана курулуш материалдарын өндүрүү жаатында кызматташуу боюнча сунуштарды киргизди.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "