КР эгемендикти алгандан бери ЭРӨБ өлкөгө 1 млрд доллар каражат бөлгөн

Назира Абдиева

22 июня 2021 16:29

Өлкө эгемендигин алгандан бери Европа Реконструкциялоо жана Өнүктүрүү Банкы (ЕРӨБ) грант түрүндө да, насыя катары да жалпысынан 1 млрд доллардан ашык каражат салды. Бул тууралуу ЕРӨБдүн Борбор Азия боюнча региондук директору Нил Маккейн кечээ, 21-июнда президент Садыр Жапаров менен жолугушуу учурунда билдиргенин өлкө башчынын маалымат кызматы билдирди.

Президенти Садыр Жапаров кечээ, 21-июнда, Европа реконструкциялоо жана өнүктүрүү банкынын (ЕРӨБ) Борбор Азия боюнча региондук директору Нил Маккейн менен жолугушту.

Мамлекет башчысы Нил Маккейнди ЕРӨБдүн жакында өткөн 30 жылдыгы менен куттуктап, ЕРӨБ өлкөдөгү өнүгүүнүн бардык негизги багыттары боюнча долбоорлорду ишке ашырууда олуттуу колдоо көрсөтүп келе жаткан Кыргызстандын ишенимдүү стратегиялык өнөктөшү экенин белгиледи.

Баарлашуунун жүрүшүндө Жапаров Нил Маккейнди Кыргызстан үчүн артыкчылыктуу болгон секторлордогу – энергетика, тоо-кен жана жеңил өнөр жайы, санариптештирүү, айыл чарбасы, туризм тармактарындагы инфраструктуралык долбоорлорду ишке ашыруу үчүн инвестициялык ресурстарды активдештирүүгө жана мобилизациялоого чакырды.

Өз кезегинде Нил Маккейн Мамлекет башчысына ЕРӨБдүн президенти Одиль Рено-Бассонун саламын айтып, Европа реконструкциялоо жана өнүктүрүү банкы Кыргызстандын ишенимдүү өнөктөшү бойдон кала берерин айтты. Өлкө эгемендигин алгандан бери ЕРӨБ грант түрүндө да, насыя катары да жалпысы 1 млрд доллардан ашык каражат салганын баса белгилегенин президенттин басма сөз кызматы кабарлады.

Анын пикиринде, бул чоң сумма, бирок жетишсиз. ЕРӨБ туризмден тартып банк секторуна чейинки атамекендик экономиканын көптөгөн тармактарына, ошондой эле суу менен камсыздоо тутумун жакшыртуу долбоорлоруна катышууда.

Нил Маккейн ЕРӨБ өзгөчө инвестициялык климатты жакшыртууга багытталган реформаларды ар дайым колдоп келгендигин кошумчалап, Кыргызстан менен активдүү кызматташууну улантууга даярдыгын билдирди.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "