Кыргызстандагы жол кырсыктарын эми ар бир жаран сайттан көрө алат – каттоо системасы ишке кирди

Назира Абдиева

24 июня 2021 21:12

КРнын Ички иштер министрлигинин Жол кыймылынын коопсуздугун камсыздоо башкы башкармалыгы «Сорос-Кыргызстан» Фондунун колдоосунун алкагында, «Санарип Долбор» ЖЧКсы менен биргеликте республика боюнча жол кырсыктарын эсепке алуу системасын иштеп чыгып, жумушка киргизди. Бул тууралуу Фонддун маалымат кызматы билдирди.

Окуялар боюнча бардык маалыматтар ыкчам режимде түзүлөт жана 102.kg сайтында ачык көрсөтүлөт. Сайттан, кырсыктын себептерин жана сүрөттөлүшүн, алардын санын аймактар жана шаарлар боюнча көрүүгө болот.

102.kg сайтын ачканда, баракча республика боюнча акыркы 90 күн ичиндеги маалыматтарды көрсөтөт. Сайт кырсыктардын мезгилин жылдар, айлар, жумалар жана күндөр боюнча тандап көрүүгө мүмкүнчүлүк берет.

Маалыматтар КРнын ИИМдин Жол кыймылынын коопсуздугун камсыздоо башкы башкармалыгынын кызматкерлери тарабынан маалыматтар киргизилген учурдан тартып, бардык мезгил ичинде көрсөтүлөт.

Картадан жана статистикадан ар бир аймактагы кырсыктарды көрө аласыз. Белгилүү бир аймактын картасын бассаңыз, оң терезеде тандалып алынган областын аймактары боюнча маалыматтар бөлүнүп берилет.

Ачык маалыматтар жарандардын коопсуздугун жогорулатуу, жол кыймылын жөнгө салуу жана кооптуу аймактарды аныктоо үчүн кийинки аналитикага мүмкүндүк берет. Долбоор мамлекеттик структуралардагы коррупциянын компоненттерин кыскартууга, ошондой эле аталган агенттиктердин ишин контролдоого жарандардын катышуусун жогорулатууга багытталган.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "