Вице-премьер-министр донорлор менен жолугуп, КРнын Саламаттыкты сактоо жаатындагы муктаждыктар тууралуу айтты

Назира Абдиева

25 июня 2021 20:38

Вице-премьер-министр Жылдыз Бакашова БУУнун Кыргызстандагы туруктуу координатору Озонниа Ожиело менен жолугушту. Бул тууралуу өкмөттүн басма сөз кызматы билдирди.

Жолугушууга ЮНИСЕФтин КРгы туруктуу өкүлү Кристин Жольм, Дүйнөлүк саламаттыкты сактоо уюмунун КРгы өкүлү Назира Артыкова, БУУнун Дүйнөлүк азык-түлүк программасынын КРгы өкүлү Андреа Баньоли, БУУ Аялдарынын КРгы өкүлү Улзисурен Жамсран катышты.

Бакашова, өлкөдөгү эпидемиологиялык оор кырдаалды белгилеп, калкты эмдөөдөн өткөрүү ылдамдыгын жогорулатуу керектигин айтты.

«Бизге 6.4 млн доза вакцина же жок дегенде 5.2 млн доза керек. КРда коронавирустун жайылышына каршы турууда, айрыкча, саламаттыкты сактоо системасын колдоодо жана вакциналар маселесинде өнөктөштөр менен аракеттерди натыйжалуу координациялоо өзгөчө мааниге ээ», – деди ал.

Министрлер кабинетинин башчысынын орун басары электрондук саламаттыкты сактоо системасын ишке киргизүүнү тездетүү, дары-дармектер жана медициналык багыттагы буюмдар боюнча улуттук маалымат базасын түзүү, ошондой эле коронавирус оорусунан жапа чеккен жарандардын бирдиктүү реестрин түзүү керектигине токтолду. Бишкек жана Ош шаарларындагы коронавирус менен ооруган кош бойлуу аялдарды дарылоо боюнча 118 кызматынын ишин колдоо тууралуу да сүйлөшүлдү.

БУУнун өкүлдөрү республикага колдоо көрсөтүүгө даяр экендигин баса белгилешти. Алар БУУ кыска убакыттын ичинде КРда пандемияга каршы күрөшүү боюнча долбоорлорду ишке ашырууга жардам бере тургандыгын билдиришти.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "