Кыргызстан Азербайжанга «Алят» ЭЭА менен «Бишкек» ЭЭАнын ортосунда эки тараптуу кызматташтыкты түзүүнү сунуштады

Назира Абдиева

02 июля 2021 19:51

Ушул жылдын 1-июлунда КРнын Тышкы иштер министри Руслан Казакбаевдин Азербайжан Республикасына расмий сапары башталды. Иш сапары алкагында министр «Алят» эркин экономикалык аймагынын Ыйгарым укуктуу түзүмүнүн башкармалыгынын төрагасы Валех Алескеров менен жолугушту. Бул тууралуу ТИМдин маалымат кызматынан кабарлашты.

Казакбаев башкаруу структураларынын деңгээлинде дагы, тышкы экономикалык иш-аракеттердин субъекттеринин деңгээлинде дагы «Алят» ЭЭА менен «Бишкек» ЭЭАнын ортосунда эки тараптуу байланыштарды жана өз ара пайдалуу ишкердик кызматташтыкты орнотууну, ошондой эле соода жана инвестицияларды көбөйтүүнү сунуш кылып, Алескеровду КРга келип кетүүгө чакырды.

Министр Р.Казакбаев КРнын Министрлер Кабинетинин ири чет өлкөлүк инвестицияларды тартуу боюнча ченемдик укуктук базаны даярдоодо жана инвесторлор үчүн зарыл шарттарды жана кепилдиктерди түзүүдө тажрыйбаны үйрөнүүгө жана кабыл алууга кызыкдар экендиги жөнүндө маалымдады.

«Алят» ЭЭА 2020-жылдын май айында соода-логистикалык борбор катары түзүлгөн. «Алят» ЭЭА дүйнөлүк деңгээлдеги транзиттик жана логистикалык инфраструктура менен ишкер чөйрөнү камсыз кылууга, жогорку наркы бар продукцияны экспорттоого багытталган. Ошондой эле «Алят» ЭЭА өз ишин 2022-жылы июль айында баштайт.

Мындан тышкары окуңуз

Кыргызстанда биткоинди сомго сатып алууга болот

Кыргызстан стейблкоиндер багытында алдыңкы өлкөлөрдүн бири болуп эсептелерин Арсен Эдилбек уулу ЖМКларга берген интервьюсунда билдирди. Кыргызстанда учурда эки мамлекеттик цифралык актив — USDKG жана KGST иштеп жатат. Эксперттин айтымында, эң популярдуу инструменттердин бири USDT стейблкоину бойдон калууда. Мамлекеттик стейблкоиндердин болушу ички рынокто кошумча мүмкүнчүлүктөрдү түзөт. "USDKG 100% каржылык министрликтин катышуусу

Быйыл 1 млн 250 миң гектар аянтка айыл чарба өсүмдүктөрү себилет

2026-жылдын түшүмү үчүн республика боюнча айыл чарба өсүмдүктөрүн себүүнүн жалпы аянты 1 млн 250 миң гектарды түзөрү мерчемделүүдө. Анын ичинен 818 миң гектары сугат жерлерге, 432 миң гектары кайрак жерлерге туура келет. Салыштыруу үчүн айтсак, 2025-жылы бул көрсөткүч 1 млн 245,6 миң гектарды түзгөн. Бул тууралуу Айыл чарба министрлигинен

Бишкекте 113 трансформатордук көмөк чордон капиталдык оңдоодон өткөрүлөт

Энергетика министрлигинин тапшырмасына ылайык, Бишкек шаарында энергетикалык инфраструктураны жаңылоо боюнча пландуу оңдоо иштери башталды. Министрликтин тапшырмасына ылайык, "НЭСК" ААКсынын филиалы — Бишкек электр тармактар ишканасы март айынан ноябрь айына чейин иштерди жүргүзөт. Бул тууралуу Энергетика министрлигинен билдиришти. Пландалган иштердин алкагында: * 113 трансформатор капиталдык оңдоодон өткөрүлөт; * 10–6/0,4

Д.Бекешев: LED-экрандарды үйлөргө орнотууга уруксат беришибиз керек

Депутат Дастан Бекешев көп кабаттуу үйлөргө LED-экрандарды орнотууга уруксат берүүнү сунуштады. Бул тууралуу мыйзам долбоору 2-мартта Жогорку Кеңештин илим, билим берүү, инновациялык өнүктүрүү жана маалыматтык технологиялар, маданият, спорт жана жаштар иштери боюнча комитетинде биринчи окууда каралды. Бекешев мурда президент борбор калаада мындай жарнама экрандарын көчөлөргө орнотууга тыюу салганын эске салды.