Өсүмдүк майынын баасы өсүүдө – Улутстатком
Өсүмдүк майынын баасы күн санап өсүүдө. Үстүбүздөгү жылдын 30-июнуна карата күн карама майынын чекене баасы республика боюнча орточо 181.77 сомду түзгөн жана бул өткөн айга салыштырмалуу 2.6 эсеге өскөн. Мындай маалыматты Улутстатком берди.
Ал эми пахта майына болгон баалар 1 кг үчүн 176.26 сомду түзүп, өткөн айга салыштырмалуу 3.8 эсеге өскөнүн көрсөттү.
Күн карама майына карата чекене баалар орточо республикалык көрсөткүчтөн жогору болуп Исфана (190.01 сом), Жалал-Абад (189.07 сом) шаарларында түзүлдү, ал эми ага карата минималдуу баалар Өзгөн (163.59 сом), Кара-Балта (163.97 сом) жана Талас (167.24 сом) шаарларында катталды.
Күн карама майына болгон баалар өткөн айга салыштырмалуу Жалал-Абад шаарында – 6.3%га, Талас шаарында –4.9%га, Токтогул шаарында – 4.3%га жогорулаган.
Пахта майына болгон чекене баалар Токмок (198.88 сом), Жалал-Абад (187.38 сом), Исфана (183.90 сом), Токтогул (178.93 сом) шаарларында орточо республикалык көрсөткүчтөн ашты, ал эми ага карата минималдуу баалар Таласта (157.74 сом), Кара-Суу (157.76 сом) шаарларында жана Покровка айылында (163.88 сом) байкалды.
Июнь айында пахта майынын баасы май айына салыштырганда Кербен шаарында – 10.9%га, Таласта – 9.7%га жана Жалал-Абад шаарларында – 7.2%га пайызга максималдуу өсүшү катталган.
