«Менин үйүм 2021-2026» турак жай программасына ылайык, кимдер ипотекалык насыя ала алат?
МИК «Менин үйүм 2021-2026» турак жай Программасынын алкагында Кыргызстандын жарандарына ипотекалык насыя берүү шарттары тууралуу маалымдады.
Жаңы программада Кыргызстандын бардык жарандарына, анын ичинде жеке сектордо иштегендерге да ипотека насыясын алуу мүмкүнчүлүгү каралган. Ипотекалык насыяларды берүүдө жарандарга акыйкат жана бирдей мамилени камсыз кылуу максатында, мамлекеттик ипотекалык насыяны алуу үчүн тандоо критерийлери белгиленди.
Тандоонун негизги критерийлери жарандын турак жайы жок болуусу шарт жана эмгек тажрыйбасы болушу керек.
Программа турак жай фондун каржылоонун эки негизги багытын аныктады:
- Жеңилдетилген ипотека
- Жеткиликтүү ипотека
- «Жеңилдетилген ипотека» категориясына бюджеттик мекемелерде иштеген жарандар, ошондой эле мамлекеттик жана муниципалдык мекемелер менен ишканалар, анын ичинде калктын социалдык аялуу катмары кирет. «Жеңилдетилген ипотека» багыты республикалык бюджеттен каржыланат.
2. «Жеткиликтүү Ипотека» багыты боюнча турак-жай каржылоосу, иштеген тармагына карабастан, өлкөнүн бардык жарандары үчүн жеткиликтүү болот. «Жеткиликтүү Ипотека» багыты инвесторлордон жана эл аралык донорлордон чогулган каражаттардын эсебинен каржыланат.
Белгилей кетүүчү жагдай, республикада келишимдик турак-жай сактык системасы киргизилген. Бул системанын негизги артыкчылыгы – тандоо критерийлеринин жоктугу, башкача айтканда, жарандын турак-жайы болсо деле жана эмгек тажрыйбасы жок болсо да жарандар жеңилдетилген мамлекеттик ипотека насыя ала алышат.
Келишимдик турак жай аманат системасы Мамлекеттик Ипотекалык Компаниянын карамагындагы ААК «Ак-Босого» турак жай-аманат кредиттик компаниясы аркылуу ишке ашырылат. Ак-Босого ААК, байланыш тел.: 0509 29 21 21 (Whatsapp).
