Эми КРнын жарандары РФнын аймагына мобилдик тиркеме менен гана кире алышат
2021-жылдын 25-июлунан тартып, КРнын жарандары Россия Федерациясынын аймагына киргенде, сөзсүз түрдө «Путешествую без COVID-19» мобилдик тиркемесин колдонуп, терс ПЦР-тест жыйынтыгын көрсөтүшү керек. Бул тууралуу ТИМ билдирди.
Анализ РФнын аймагына келгенге чейин үч күндөн эрте эмес убакта чыккан болуш керек.
Бул үчүнчү өлкөлөрдөн РФга Евразия экономикалык биримдигине мүчө мамлекеттердин аймагы аркылуу транзит менен же кыска токтотуу менен кирген жарандарга тиешеси жок.
Белгилей кетсек, КРнын чегинен тышкары жакка саякаттагандар үчүн ПЦР-анализин эки мамлекеттик лаборатория жүргүзөт: Бишкек шаарындагы Улуттук вирусологиялык маалымдама лабораториясы жана Ош шаарындагы Subnational Virological Laboratory, ошондой эле «Путешествую без COVID-19» маалыматтык системага туташкан жеке лабораториялар.
Мобилдик тиркемени бул жерден жүктөп алсаңыз болот.
