Корея КРда жаңы технологиялар менен жашылча-жемиштерди өстүрүүгө кызыкдар
Корея KOICA линиясы аркылуу КРда «Акылдуу ферма» гранттык долбоорун ишке ашыруу мүмкүнчүлүгүн изилдеп жатат. Бул тууралуу Экономика минстрлигинин маалымат кызматы билдирди.
Кечээ, 14-октябрда КРнын Экономика жана Соода министрлигинде бүгүн Бишкекте өтүүсү пландаштырылган экономикалык кызматташтык боюнча кыргыз-корея өкмөттөр аралык комиссиясынын 4-отурумуна даярдык көрүү үчүн министрдин орун басары Руслан Татиков Корея Республикасынын делегациясы менен жолугушту.
Жолугушууга Корея тараптан Кореянын Тышкы иштер министрлигинин Өнүктүрүүгө жардам берүү иштери департаментинин башчысы Го Ён Гол жана «КРгы Корея Эл аралык Кызматташтык Агенттигинин» директору (KOICA) Ли Жонг Су катышты.
Белгилүү болгондой, учурда кореялыктар KOICA линиясы аркылуу КРда «Акылдуу ферма» гранттык долбоорун, атап айтканда, «КРда жогорку технологиялуу агроөнөр жай комплексинин пилоттук долбоорун түзүү» мүмкүнчүлүгүн изилдеп жатат. Бул жашылча-жемиштерди өстүрүү үчүн температураны жана нымдуулукту дистанциялык көзөмөлдөө жана контролдоо сыяктуу күнөсканаларды башкаруунун акылдуу функцияларын колдонуу сыяктуу жаңы технологияларды ичине камтымакчы.
Тараптар 2021-жылы Кыргызстандын жакынкы 5 жыл ичинде Өнүктүрүү боюнча расмий жардамды алуу үчүн приоритеттүү өлкөлөрдүн тизмесине киришине байланыштуу КРда биргелешкен социалдык маанилүү долбоорлорду ишке ашыруу зарылдыгын белгилешти.
Ошондой эле кореялыктар KOICA менен кызматташуунун алкагында жакынкы келечекте экология, айыл-чарба, мамлекеттик башкаруу жана ден соолук багыттарында иш алпарууну белгилешти.
