КРда кубаттуулугу 100 МВт болгон бир нече чакан ГЭСтер курулууда
Кыргызстанда ишке киргизилгенден кийин жалпы кубаттуулугу 100 МВттан ашкан чакан ГЭСтердин курулушу активдүү фазада жүрүп жатат. Бул тууралуу Энергетика министрлигинин басма сөз кызматы билдирди.
Учурда канча чакан ГЭС курулуп жатканын министрлик так айткан жок. Ал ГЭСтер Баткен, Жалал-Абад, Ысык-Көл жана Ош аймактарында курулуп жатканын гана белгилешти. Берилген маалыматка ылайык, бул станцияларды жергиликтүү компаниялар чет элдик инвесторлорду тартуу менен куруп жатышат.
Энергетика министрлиги энергияны кайра жаратуучу булактарынын (РЭБ) субъекттери жабдууларды импорттоодо КНСтен жана киреше салыгынан бошотулганын (беш жылга чейин) белгиледи. Ошондой эле мамлекет өндүрүлгөн электр энергияны 10 жыл бою сатып алууга кепилдик берди.
Министрликтин маалыматы боюнча, Кыргызстанда жалпы кубаттуулугу 54 МВт болгон 19 чакан ГЭС иштейт, бирок 100дөн ашык чакан ГЭСтерди куруу мүмкүнчүлүгү бар. Жалпысынан алганда, өлкөнүн чакан дарыяларынын гидро ресурстарын иштетүү жалпы сумманын 1.27%ын гана түзөт, ал эми потенциалы 1 млн МВттан ашат.
