КФБда сооданын көлөмү 4.2 млн сомду түздү
Өткөн аптада Кыргыз фондулук биржасындагы сооданын көлөмү 12%га азайып, 4.2 млн сомду түздү, айтсак, келишимдер корпоративдик баалуу кагаздардын катталуусу менен гана чектелди. Бул тууралуу КФБнын сайтында айтылат.
Сооданын көлөмүнүн төмөндөшү корпоративдик облигацияларды кошпогондо бардык секторлордо байкалган. Баштапкы рыногунда акцияларды жайгаштыруу боюнча келишимдер болгон жок, сооданын бүткүл көлөмү корпоративдик облигацияларга туура келген, аларды жайгаштырууну «Салым Финанс» ААК жана «Биринчи металлобаза» ЖЧК жүргүзүштү. Алардын жалпы көлөмү 2.5 млн сомду түздү.
- «Биринчи металлобаза» ЖЧК 5-чыгарылышынын облигацияларын жума ичинде 2.2 млн сомго (+67%), эмиссиясы 2/3 менен жайгаштырган.
- «Салым Финанс» болсо жума ичинде 0.3 млн сомго (+76%) облигацияларын сатты.
Экинчи рынок бөлүмүндө 1.7 млн сом суммасындагы 13 гана келишим жүргүзүлгөн, алардын көпчүлүгүн 1 млн сом суммасындагы жөнөкөй акциялары менен чыккан «Ош-Сүт» ААК ээледи.
Бир жумадагы соода көлөмүнүн 72%ын листингдик компаниялардын облигациялары, анын ичинде «АБН» жана «Салым Финанс» микрофинансылык компаниялардын, ошондой эле «Биринчи металлобаза» ЖЧКнын облигациялары ээледи.
