Тинькофф Банк IT-командасынын өкүлү Бишкекте семинар өткөрдү
Бишкекте Tinkoff санариптик экосистемасын өнүктүрүү бөлүмүнүн башчысы Александр Поломодовдун катышуусунда финансы секторундагы IT технологияларга арналган «Recharge IT Tinkoff менен» деген аталыштагы семинар болуп өттү.
Green Light системалык интегратору тарабынан уюштурулган иш-чарада эффективдүү IT платформасын куруу боюнча дүйнөдөгү эң ири онлайн банктардын тажрыйбасын үйрөнүүгө кызыкдар болгон Кыргызстандын алдыңкы банктарынын топ-менеджерлери менен IT -жетекчилери чогулушту.
Спикер «Тинькофф» мобилдик банкинги боюнча, тагыраак айтканда, андагы процесстер, архитектура, тестирлөө кандай экенин, дегеле иш кандай уюштурулганын айтып берди. Семинардын бир блогу болсо, Tinkoff банкингинде кардарларды онлайнга тартуучу IT-системалары боюнча иштөөгө арналды. Иш-чаранын жыйынтыктоочу бөлүгү суроо-жоопко арналып, анда катышуучулар жалпысынан техникалык жана бизнеске байланыштуу кызыктырган суроолорун беришти.
Тинькофф Банк – бул толугу менен аралыктан тейлөөгө багытталган орус коммерциялык банкы жана анын чекене филиалдары жок. 2020-жылдын сентябрь айына карата, Тинькофф Банк – калктын суроо-талабын канааттандырган россиялык банктар арасында үчүнчү орунду ээлеп келет.
Green Light ITS – коммерциялык жана мамлекеттик уюмдар үчүн IT инфраструктурасын куруу жана оптималдаштыруу боюнча комплекстүү чечимдерди ишке ашырган эл аралык IT компания. Компания Кыргызстан, Казакстан, Өзбекстан жана Россияда өзүнүн кеңселерин ачып, ийгиликтүү иш алпарып келет.
