Кыргызстанда кумшекер кымбаттап жатат
Кыргызстанда кумшекердин баасы өсүүдө. 16-ноябрга карата 1 кг кумшекердин баасы 69 сомду түзүп, өткөн жылдын декабрына салыштырмалуу дээрлик 15 сомго же 27%га өскөн. Бул тууралуу Улуттук статистикалык комитет билдирди.
Кумшекердин чекене баасынын максималдуу чеги Кара-Суу (76.5 сом), Ноокат (75 сом), Баткен жана Ош (73.7 сом) шаарларында, ал эми эң төмөнкү баалар Кербен (65 сом), Каракол (65.2 сом) жана Токмок шаарларында (65.4 сом) белгиленди.
Ноябрь айында октябрь айына салыштырмалуу баалар 1.2 сомго, же 2%га кымбаттады. Ал эң көп Кара-Сууда – 7%га, Балыкчы жана Баткенде – 5%га кымбаттады.
