ЕРӨБ аялдар жетектеген компанияларга 12 млн доллар насыя берет
Евразия реконструкциялоо жана өнүктүрүү банкы (ЕРӨБ) алдыдагы беш жылда аялдар башкарган компанияларды колдоого 12 млн доллар насыя берүүнү пландоодо. Бул тууралуу Экономика жана соода министри Данияр Амангелдиев аялдарды Бүткүл дүйнөлүк ишкердиктин күнү менен куттуктоо учурунда билдирди.
Аталган финансы институту ошондой эле Борбор Азия өлкөлөрүнө аялдар жетектеген ишканалар үчүн 114 млн доллар берүүнү пландаштырууда. Ал эми 1 млн доллардан ашуун каражатты ишкер аялдарга жергиликтүү консультанттардан жана эл аралык эксперттерден насаатчылык, окутуу курстары үчүн бөлөт.
«КРнын 2026-жылга чейин өнүктүрүүнүн Улуттук программасында аялдардын катышуусу менен ишкердикти өнүктүрүүгө өзгөчө көңүл бурулган. Министрлик «2022-2026-жылдарга КРда аялдардын ишкердигин колдоо жана өнүктүрүү программасын бекитүү жөнүндө» токтомдун долбоорун даярдады, ал жакын арада кабыл алынат», – деди министр.
