Кийинки жылы Жерүйдөн 5 тонна алтын алабыз, – Жапаров
Министрлер кабинетинин башчысы Акылбек Жапаров россиялык «Коммерсант» басылмасына өнөктөш өлкөлөрдөн эң көп күтүлгөн инвестициялык долбоорлор тууралуу айтып берди.
Алардын ичинен россиялык инвесторлор «Альянс Алтын» менен Жерүй кенин иштетүү ийгиликтүү башталганын баса белгиледи.
«Өткөн жылы Россия менен Жерүй ири алтын кени ишке киргизилген, алгачкы 5 тонна алтын кийинки жылы казылып алынат деп үмүт кылуудабыз», – деди Жапаров.
Эске салсак, Кыргызстандын мамлекеттик бюджетине Жерүй кенинен түшкөн кирешеси 3 млрд сомдон ашты.
Үстүбүздөгү жылдын башынан бери Талас облусунда салык жана башка төлөмдөр өткөн жылдын ушул мезгилине салыштырмалуу 2.5 эсеге өсүп, 2 млрд 120 млн сомду түзүп, рекорддук көрсөткүчкө жетти. Райондун кирешесинин мындай олуттуу өсүшү Жерүй кенин ишке киргизүүнүн аркасында ишке ашууда. Учурда облустун кирешесинин дээрлик үчтөн эки бөлүгүн «Альянс Алтын» ЖЧК кенди иштетүүчү ишканасы камсыздайт. Мунун аркасында дээрлик дайыма дотацияда жүргөн Талас облусу дароо эле республика боюнча салык жана башка төлөмдөр боюнча акыркы орундан 6-орунга көтөрүлдү.
