«Ачык бюджет» порталынын маалыматына ылайык, Red Petroleum компаниясы мамлекеттик бюджетке 3 млрд 769 млн сом төлөгөн.

Андан кийин КММ саткан компаниялардын арасынан салык төлөө боюнча экинчи орунда россиялык «Газпром» АКнын туунду компаниясы «Газпром Нефть Азия» (3 млрд 14 млн сом) турат.

«Бишкек петролеум» («Шнос» ЖЧК) болсо 805 млн сом, «Роснефть» 835 млн сом жана «Партнер Нефть» 751 млн сом төлөшкөн.

Жалпысынан алганда, 2021-жылдын 11.5 айында Кыргызстанда ККМ саткан 5 ири компания республиканын мамлекеттик бюджетине 9.4 млрд сом которгон.

Эскерте кетсек, КРда үстөмдүк позицияны ээлеген күйүүчү май ташыган 3 субъект бар, алар – «Газпром», «Ростнефть» жана «Ред Петролеум». Мындай маалыматты Монополияга каршы жөнгө салуу мамлекеттик агенттигинин директору Кеңешбай Тайлаков билдирген болчу.