«Колунда жок» ишкерлерге ККМ аппаратын Салык кызматы өзү коюп берет
«Колунда жок» ишкерлерге ККМ аппаратын Салык кызматы өзү коюп берет. Бул тууралуу бүгүн, 22-декабрдагы Жогорку Кеңештин жыйынында Салык кызматынын төрагасы Алтынбек Абдувапов билдирди.
Жыйында депутат Алайбек Алымбаев ККМ аппараттарын салык төлөөчүлөр өздөрү сатып алыш керекпи деген суроосун койду.
«Негизи учурда ККМ жок, бирок колунда жокторго коюп бере алабыз. Калган ККМди салык төлөөчүлөр өздөрү сатып алып иштетишет го дейм», – деди Абдувапов.
Ал эми депутат Дастанбек Жумабековдун айтканына караганда, алыскы интернет жакшы тартпаган аймактарда дүкөндөр ККМди иштетүү кыйынчылыгына дуушар болушу мүмкүн. Бирок Салык кызматынын төрагасы Кыргызстандын бүт жеринде интернет тартаарын, андан бир маселе чыкпай тургандыгын билдирди.
Салык кызматынын төрагасынын билдиргенине караганда, Россия 30 миң ККМ бекер берүүнү убада кылган жана банктар дагы 10 миң аппарат алып берген.
