Исламбек Мойдинов «Кыргызпатенттин» директорунун биринчи орун басары болуп дайындалды. Бул тууралуу аталган мекеменин маалымат кызматы билдирет.

Министрлер Кабинетинин төрагасы Акылбек Жапаровдун 2021-жылдын 17-декабрындагы №667 тескемеси менен Мойдинов Исламбек Жанышович Интеллектуалдык менчик жана инновациялар мамлекеттик агенттигинин директорунун биринчи орун басары болуп дайындалды.

Бүгүн, 22-декабрда Президенттин жана Министрлер Кабинетинин чечимдеринин экспертизасы бөлүмүнүн башчысы Ж. Бакиров Мойдиновду «Кыргызпатенттин» эмгек жамаатына тааныштырды.