16 жашка чейинки балдары бар, «үй-бүлөгө көмөк» ар айлык жөлөкпулун алган аз камсыз болгон үй-бүлөлөргө даректүү социалдык колдоо көрсөтүү максатында электр энергиясынын тарифи арзандатылып берилет. Бул тууралуу Министрлер кабинетинин маалымат кызматы билдирди.

Министрлер Кабинетинин 2021-жылдын 30-сентябрындагы № 192 «КРнын 2021-2025-жылдарга карата электр энергиясына орто мөөнөттүү тарифтик саясатын бекитүү жөнүндө» токтомуна өзгөртүүлөр киргизилди.

Ага ылайык, Эмгек, социалдык камсыздоо жана миграция министрлиги тарабынан берилген тизмеге ылайык, айына 700 кВт саатка чейинки керектөөдө (1 кВт\с – 50 тыйын өлчөмүндө) электр энергиясына өзүнчө тарифтер белгиленет.