1-9-январь күндөрү калкты тейлөө борборлору иштебейт
Кыргызстанда 2022-жылдын 1-январынан 9-январына чейин калкты тейлөө борборлору иштебейт. Бул тууралуу Санариптик өнүктүрүү министрлиги билдирди.
Келерки жылдын бекитилген календарына ылайык, 1-январдан 9-январга чейин эс алуу күндөрү деп жарыяланган. Андыктан өлкө боюнча калкты тейлөө борборлору 10-январдан тартып иштей баштайт.
Бөлүм жарандарды алдыдагы дем алыш күндөрүн эске алуу менен алдын ала даярдалган документтерди каттоо жана кабыл алуу маселелерин бүтүрүп алууну суранат.
Ал эми 31-декабрда бардык калкты тейлөө борборлорунун иш графиги бир саатка кыскарат. Андыктан саат 17:00дө жумуш күнү аяктаарын аталган министрликтен кабарлашты.
